الرئيسية
سؤال للفتيات ؟؟؟
--------------------------------------------------------------------------------
سؤال محرج للبنات .....والجريئه تجاوب!!!
أهلين بنات
اتمنى تشاركون كلكم ..يعني كلكم خخ
لو مثلا انتي كنتي طفشااااانه ونايمه الظهر ويوم قمتي لقيتي اهلك صاحين وجالسين يتغدوون جلستي معهم وانتي واصلة معك ومقفله
الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يا بنتي
انتي : مبروووك على شو؟
امك : اليوم كلمتني مرة (حرمة)
وبدا ياكي
طبعا راح تتغير ملامح وجهك ويروح الطفش ويصير وجهك مايحتاج بشوش لانك بتاخذين تمساح وهذي امنيتك بس بتستحين من امك وبتخلين وجهك خجول وبتقولين
انتي : شو بدا الحرمة (انواع الاستهبال ايه هين علينا)
امك : تبيك تكنسين حوشهم وش تبي يعني تتصور مع خشتك
انتي : يعني تبي تخطبني (مقطعتها البرائه والطفولة وزين ما تبكين .... طبعا من الفرح لكن توضحين لأمك انك ما تبين بحجة أني ما ابي افارقكم) ...
امك : ايه شو قلتي
انتي : ماابغى اعرس (احلى يالقويه مسويه فيها وماهمك لو ماتستحين كان طبيتي من سطحكم من الفرحه )
امك : طيب برسله لبنت خالك ( حشا صاااار ايميل مو ولد )
انتي : ياحليلك يمه تراني امزح على طول تصدقين (عاد انتي ماصدقتي يجيك واحد يخطبك انتي وهالكشره )
المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي (عادي امك متطورة تعرف انجليزى )
المهم خلصوووووو وانتي بدا قلبك يقول طمبق طرنق طربق اليوم الاثنين ويوم الخميس قريب .
سؤااااااااالي هنا ابغى اعرف وش بتسوين من يوم الاثنين للخميس ويوم الخميس بالذااااات وش بتسوووووين ؟؟؟؟؟؟؟
بالتفصيل الممل
عشت مع الموقف 
